رواية حكاية نسب الفصل الحادي والعشرون 21 بقلم بسنت حسين

رواية حكاية نسب الجزء الحادي والعشرون

رواية حكاية نسب البارت الحادي والعشرون

رواية حكاية نسب الحلقة الحادية والعشرون

جلال ابراهيم الشافعي، مطلوب القب ض عليك بتهمة ق تل اخوك رأفت ابراهيم الشافعي
البوليس وصل وحاوط جلال في البيت وواجهوه بته مته
جلال: قت لت مين!!!! اللي لسه باعتلي رسالة ده!!! قت لته ازاي، لا مقت لتوش ده كدب
الظابط: الكلام ده تقوله في القسم مش هنا خدوه ع البوكس
جلال: تميم الحقني يا تميم انا مش لازم اتحبس، اتصرف
تميم: اكيد يا عمي متقلقش هقوملك اكبر محامي في البلد واجي وراك متقلقش
البوليس اخد جلال وتميم قعد علي كرسي المكتب بتاع عمه وحط رجل علي رجل وقال
اقعد العبلي دور في المزرعة السعيدة وبعدين نشوف هعمل ايه بقي 🕺🏻
…….
عند ممدوح في المستشفي
اسمهان: اللي شوفته ده بجد!
جسور: اتصلي بتميم افهمي منه الموضوع
اسمهان قعدت ترن علي تميم وبيكنسل
اسمهان: بيكنسل عليا، شكله مزنوق
جسور: خلاص هو هيكلمك لما يفضي
ممدوح: طب ايه طيب مافيش حمد الله على سلامتك، انتوا جايين ليه
اسمهان: حمد الله على سلامتك يا حبيبي معلش حقك عليا بالي كان مشغول قوي زي مانت شايف
ممدوح: لا ولا يهمك يا ماما دي رصا صة عادي يعني مش اشكال
جسور: حمد الله على السلامة يا بطل وبعدين انت ظابط يعني وده شئ روتيني بالنسبالك كل شوية في المستشفي عادي
داليد: اسكت يا ممدوح ده في حد فعلا هيموت ويقولك سلامتك ودموعها غر قت ارض المستشفي
ممدوح: مين بنت الاصول دي هاتوهالي
داليدا: واحدة كده كانت في مكان وقو عك وكانت متشحتفة عليك وبتتر عش كده وكتمالك الجر ح عشان متمو تش وحالتها كانت صع بة قوي
ممدوح: متقوليش خلاص عرفتها، دي جدعنة البت حنين مافيش غيرها، هي فين دلوقت
داليدا: وصلتها البيت تغير هدومها اللي اتبهد لت دي
ممدوح: هبقي اتصل عليها اشكرها
داليدا: تتصل بس؟ لا دي لازم يتعمل معاها واجب جامد ياعم خليك حسيس
اسمهان: مين البنت دي يا ممدوح عايزة اشوفها
داليدا: هي جاية كمان شوية يا طنط مرضتش تستني الصبح، هي واقفة بتعمل المحمر والمشمر للبيه عشان يتغذي
ممدوح: يا سلام علي الناس اللي بتفهم قوموا بينا يا جماعة
كلهم:: علي فين
ممدوح: علي بيت حنين
……
عند تميم
يوووووه زن زن زن فصلوا اللعبه عليا، اما اقوم اجيب اعفنها محامي فيكي يا بلد واروح لعمي حبيبي، مسك موبايله وهو ماشي واتصل علي حد وقاله
الموبايل اتحرز مش عايز اثر لحاجة انت فاهمني؟ طيب تمام مستني النتيجة
قفل السكة معاه واتصل علي اسمهان
الو، ايوا يا طنط هشرحلك لما اشوفك هنشرح بمزاج عشان اقولك هنعمل ايه الخطوة الجاية
……
عند حنين في بيتها
كانت بتحط صينية المكرونة في الفرن وبتو لع علي شوربة الخضار والجرس ضر ب
ايوا ايوا جاية اهو، مين هيجيلي الساعة دي هو انا فاضية ياربي عايزة الحق الراجل
فتحت الباب لقت ممدوح واقف متسند علي جسور وجواد وداليدا وراه هي والباقي، بصتلهم باستغراب ومش فاهمة حاجة
ممدوح: وسعي يا انسة والنبي كده مش قادرين نقف دخلينا
حنين: انت هنا ازاي!!!
ممدوح: ياست دخليني وارغي، الناس تعب ت هي كمان
حنين: اتفضلوا اتفضلوا انا اسفة، يا اهلا وسهلا.
دخلوا كلهم ونيموا ممدوح علي الكنبة
حنين دخلت اوضتها وجابت مخدة وبطانية وطلعت
حنين: انا مش فاهمة حاجة بس خد دول عشان ترتاح في رقدتك
اسمهان: انتي اللي ساعدتي ابني يا حلوة انتي؟ ما شاء الله عليكي يابنتي تسلمي والله
حنين: لا انا معملتش حاجة يا طنط، بس عايزة افهم في ايه بس
سامح: البيه ابني سمع سيرة الاكل اللي بتعمليه وقال مش هستناها تجيلي يلا نروحلها يا جماعة
ممدوح: ايه يا جدعان عايز يبقي في بينا عيش وملح عشان اللي جاي اكبر من كده
حنين: ايه اللي جاي؟
ممدوح: انا شامم ريحة فراخ محمرة اوعي تكون اتحرقت اجري
حنين: يالهوي
طلعت تجري علي المطبخ
داليدا: رسيني علي الحوار جبتنا كلنا هنا ليه وجيت وانت تعبان
ممدوح: احسن طريقة تشكري بيها حنين هي اللمة اللي عاملينها دي، حنين مالهاش حد خالص يا داليدا، انا عايز احسسها انها من دلوقت ليها حد
داليدا: جدع يا حاظابط جدع، هقوم اساعدها بقي
…….
في القسم عند جلال
الظابط كان بيحقق معاه وهو قاله علي الفيديو اللي بيثبت ان رأفت عايش
الظابط: موبايلك اتفرغ ومالقيناش فيه اي رسايل من ارقام غريبة او رسايل جديدة من اي حد من اصله
جلال: يعني ايه الكلام ده انا شوفت الفيديو بنفسي
الباب خبط والعسك ري دخل وقال محامي المت هم حضر يا فندم
دخل المحامي وعرف نفسه للظابط
مساء الخير يا فندم انا عباس جزرة حاضر عن المتهم جلال الشمعي
الظابط: اسمه الشافعي يا استاذ
عباس: مش مشكلة يا فندم، شكليات مش هنشغل بالنا بيها، انا عايز اقول لحضرتك ان موكلي برئ براءة الذئب من د م ابن يعقوب، موكلي مقت لش ابن الجيران ده هو اللي اتهج م عليه وحدفه بالطوب عو ره في حاجبه، حتي شوف يا فندم حاجبه طاير ازاي
الظابط: انت شارب ايه، يابني انت جاي تدافع عن واحد قا تل اخوه، طوب ايه وحاجب ايه بس
جلال: يخر بيتك يا تميم ايه اللي جايبهولي ده
عباس: الاه انا شكلي لخبطت بين قضية الاستاذ والموكل اللي كنت بشقطه برا، انا اسف
الظابط: لا لا انا مش هكمل، ابعت يابني المتهم ع الحجز وبكرا يتعرض علي النيا بة، ويبقوا يشوفوله محامي عدل بقي
جلال قاعد هيتج لط مكانه بسبب اللي بيحصل ومش عارف يعمل ايه
…….
عند داليدا
مدي ايدك يا طنط متتكسفيش ده انا اكلي حلو والله
اسمهان: باكل اهو يا حبيبتي متقلقيش، اكلك تحفة بجد تسلم ايدك
ممدوح: اللي هيقرب من صدر الفرخة هزعله
جواد: ليه بقي مانا عايز اكل منه
ممدوح: انت د مك اتصفي زيي؟ لا يبقي تخر س وتاكل سلطة
داليدا: ده احنا ناخدك تدي مرجانة وصفاتك في الاكل بقي، ده ممدوح بياكل في البيت بالعافية
حنين: اجي اعمله انا
كلهم بصولها كده بصدمة
حنين: قصدي لحد ما يخف يعني وكده واخد بالي منه، مانا كنت ممرضة بس معجبنيش شغل المستشفيات وفتحت محل الورد ده
اسمهان: بوكيه الورد كان من عندك صح؟
حنين: عجبك يا طنط؟
اسمهان: يج نن عجبني قوي
سامح: انا شايف ان كلام حنين معقول، احنا ناخدها معانا واحنا ماشيين، عندك مانع يا ممدوح؟
ممدوح: حد يقول للدلع لا، تيجي طبعا
حنين كانت فرحانة قوي انها هتقضي معاه وقت كتير بحجة رعايته، ممدوح بص عليها وابتسم علي شكلها وقال في نفسه(حالفة توقعيني فيكي يا بائعة الورد، لما نشوف اخرتها)
…….
في اليوم التالي
جلال اخدوه يتعرض علي النيابة واتحقق معاه بشكل يو تر الاعصا ب، ولقي محامي جديد غير بتاع امبارح جاي، المحامي بعد ما خلص التحقيق طلب من رئيس النيا بة يسمح بالزيارة للمتهم قبل رجوعه للحجز، رئيس النيا بة وافق
جلال كان معتقد انه تميم فقال للمحامي مش عايز اشوف وشه دلوقت، لكن المحامي قاله اللي طالب زيارتك هي المدام اسمهان